17 sentyabr məzənnələri
Mərkəzi Bank sentyabrın 17-də avro (1,9781 manat), ingilis funt sterlinqi (2,2239 manat) və türk lirəsini (0,2757 manat) ucuzlaşdırıb.
ABŞ dollarının rəsmi kursu 1,7 manat səviyyəsində saxlanıb.
Bahalaşan gürcü larisi banklara 0,6527, Rusiya rublu 0,025 manata təklif olunur (Məzənnələr).
Novator.az bildirir ki, dollar martın 7-dən 1,7 manata satılır. Bu, manatın devalvasiyaya uğradığı 2015-ci ildən bəri ən uzun sürən rəsmi məzənnədir. 2015-ci ilin iki devalvasiyası ilə dollar 78 qəpikdən 1 manat 55 qəpiyədək bahalaşıb. O vaxtdan bəri ən yuxarı rəsmi məzənnə 2017-ci ilin 1-2 fevralında qeydə alınıb: 1,92 manat. Həmin il dekabrın 13-dən 2018-ci il martın 7-dək isə 1,7001 manatlıq kurs qüvvədə olub.
Bu il manatı qorumaq üçün keçirilən valyuta hərraclarında Dövlət Neft Fondu 4 milyard 244,8 milyon dollar məbləğində vəsait satıb. Yanvarın hərraclarında fonddan 299,1 milyon dollar, fevralın hərraclarında 364,1 milyon dollar, martın hərraclarında 647 milyon dollar, aprelin hərraclarında 802,6 milyon dollar, mayın hərraclarında 422,7 milyon dollar, iyunun hərraclarında 439 milyon dollar, iyulun hərraclarında 536,6 milyon dollar, avqustun hərraclarında 733,7 milyon dollar məbləğində vəsait alınıb.
