Prezident yeni məktəbdə çıxış edib
Sentyabrın 14-ü Bakının Maştağa qəsəbəsindəki Savalan yaşayış massivində 28 nömrəli tam orta məktəbin açılış mərasimi olub. AZƏRTAC xəbər verir ki, mərasimə prezident İlham Əliyev qatılıb.
Təhsil müəssisəsi 960 şagird yerlikdir. Məktəbdə kimya, fizika, biologiya, hərbi, informatika, texnologiya, fənn kabinetləri və laboratoriyalar, müəllimlər, tibb, arxiv otaqları var.
200 nəfərlik akt zalında müxtəlif kütləvi tədbirlərin keçirilməsi üçün bütün imkanlar yaradılıb.
Şagirdlər ümumi sahəsi 540 kvadratmetr olan zalda idmanla məşğul ola biləcəklər.
Dövlət başçısı məktəbin bir qrup müəllim və şagirdi ilə görüşüb, çıxış edib.
