Ölkələr üzrə ixrac
2018-ci ilin yanvar-avqust aylarında Azərbaycanın 12 milyard 879,9 milyon dollarlıq ixracı qeydə alınıb. Novator.az ayrı-ayrı ölkələr üzrə göstəricilərə diqqət yetirib.
Dövlət Gömrük Komitəsinin hesabatına əsasən, yanvar-avqust arası Rusiyaya 411,9 milyon dollarlıq məhsul ixrac olunub.
Türkiyəyə ixracın həcmi 1 milyard 83,3 milyon dollar, Gürcüstana ixracın həcmi 365,6 milyon dollar, İrana ixracın həcmi 18,7 milyon dollar göstərilir.
8 ayda Azərbaycandan Ukraynaya 199,3 milyon dollarlıq, Qazaxıstana 32 milyon dollarlıq, Türkmənistana 17,5 milyon dollarlıq, Belarusa 11,6 milyon dollarlıq, Özbəkistana 5,7 milyon dollarlıq, Tacikistana 3,3 milyon dollarlıq, Latviyaya və Litvaya 1,3 milyon dollarlıq, Qırğızıstana 1,1 milyon dollarlıq, Estoniyaya 774 min dollarlıq, Moldovaya 301 min dollarlıq ixrac qeyd edilib.
İtaliyaya ixrac 3 milyard 573,1 milyon dollar, İsrailə ixrac 862,2 milyon dollar, Almaniyaya ixrac 619,6 milyon dollar, Hindistana ixrac 596 milyon dollar, Kanadaya ixrac 430,8 milyon dollar, Fransaya ixrac 388,8 milyon dollar, İspaniyaya ixrac 333,8 milyon dollar, ABŞ-a ixrac 259,1 milyon dollar, Böyük Britaniyaya ixrac 253,6 milyon dollar, Çinə ixrac 33,1milyon dollar, Birləşmiş Ərəb Əmirliklərinə ixrac 13,2 milyon dollar, Yaponiyaya ixrac 6,9 milyon dollar, Pakistana ixrac 683 min dollar həcmində rəsmiləşib.
