Nikah müayinəsi nələri üzə çıxarıb?
2018-ci ilin yanvar-avqust aylarında nikaha daxil olmaq istəyən 93138 nəfər tibbi müayinədən keçirilib. Səhiyyə Nazirliyi bildirir ki, 2773 nəfərdə talassemiya daşıyıcılığı, 242 nəfərdə sifilis, 105 nəfərdə QİÇS aşkar olunub.
Nikaha daxil olmaq istəyən şəxslər 2015-ci il iyunun 1-dən müvafiq orqana təqdim etdikləri ərizəyə tibbi müayinə barədə arayış da əlavə etməlidir. Bu arayışın təqdim olunmaması nikahın bağlanmasına mane olan hallar sırasına daxil edilib.
Rəsmi hesabata görə, nikaha daxil olmaq istəyənlərin icbari tibbi müayinəsi tətbiq olunduğu vaxtdan bu il avqustun 31-dək 16847 nəfərdə talassemiya daşıyıcılığı, 1575 nəfərdə sifilis, 387 nəfərdə QİÇS aşkarlanıb.
