Azərbaycan nefti 80 dolları keçdi
Sentyabrın 12-də Azərbaycan neftinin qiyməti artıb. AZƏRTAC xəbər verir ki, 1,30 dollar bahalaşan “AzəriLayt” 80,29 dollara satılır.
London birjasında brent markalı neftin bir barreli 79,36 dollara, Nyu-York birjasında layt markalı neftin bir barreli 69,87 dollara təklif olunur.
Azərbaycanın 2018-ci il büdcəsində neftin qiyməti 55 dollardan götürülüb. “AzəriLayt” 2018-ci ilə 69,89 dollarla start verib.
Novator.az bildirir ki, Energetika Nazirliyinin hesabatına əsasən, ölkədə gündəlik neft hasilatı yanvar ayında 814,6 min barrel, fevral ayında 806 min barrel, mart ayında 794 min barrel, aprel ayında 785,7 min barrel, may ayında 801 min barrel, iyun ayında 792 min barrel, iyul ayında 773 min barrel, avqust ayında 774 min barrel olub.
