Moskva meri postunu qorudu
Sergey Sobyanin yenidən Rusiya paytaxtı Moskvanın meri seçilib. Novator.az-ın məlumatına görə, sentyabrın 9-da keçirilmiş mer seçkisində Sergey Sobyanin rəqiblərini xeyli geridə qoyaraq 70 faizdən çox səs toplayıb. Mer postuna daha dörd nəfər iddia edirdi.
1958-ci il iyunun 21-də Tümen vilayətində doğulan Sergey Sobyanin Kostroma Texnologiya İnstitutunun və Ümumittifaq Qiyabi Hüquq İnstitutunun məzunudur.
Bir çox məsul post, o cümlədən Xantı-Mansı Muxtar Mahalı Dumasının sədri, Tümen vilayətinin qubernatoru, Prezident Administrasiyasının rəhbəri və baş nazirin müavini vəzifələrini tutub.
2010-cu il oktyabrın 21-də Moskva Şəhər Dumasında mer seçilib. 2013-cü il sentyabrın 12-də keçirilən ümumşəhər seçkisində postunu qoruyub.
