İsveçdə seçki: heç kim qalib gəlmədi
İsveç parlamentinə sentyabrın 9-da keçirilmiş seçkinin ilkin nəticələri açıqlanıb. Novator.az-ın məlumatına görə, Sosial Demokrat Fəhlə Partiyası, Sol Partiya və Ətraf Mühiti Mühafizə Partiyasından ibarət hakim qüvvə 349 nəfərlik parlamentə 144 mandat əldə edib.
Sağ mərkəzçi alyans (Mötədil Koalisiya Partiyası, Liberallar Partiyası, Xristian Demokrat Partiyası, Mərkəz Partiyası) 143 mandatla ikinci pillədə qərar tutub.
Avropa inteqrasiyasına və gəlmələrə sərt münasibəti ilə tanınan millətçi İsveç Demokratları Partiyası 62 mandat götürüb.
Hökumət qurmaq üçün 175 mandat gərək olduğundan koalisiya qurulması qaçılmazdır.
