![]({"full":{"0":"2018\/09\/Sechki-Yerevan.jpg","1":751,"2":421,"3":false,"file":"https:\/\/novator.az\/wp-content\/uploads\/2018\/09\/Sechki-Yerevan.jpg"}})
Yerevan meri postuna kimlər iddia edir?
- 07 Sentyabr 2018
- comments
- Novator.az
- Posted in ManşetXəbər
Novator.az Ermənistan paytaxtında mer postuna iddia edən rəsmi namizədlərin siyahısına nəzər salıb.
Yerevan Şəhər Şurasına sentyabrın 23-də keçiriləcək seçkiyə 12 ictimai-siyasi qüvvə buraxılıb. Proporsional üsulla seçilən 65 yerlik Şəhər Şurasında mandatların yarıdan çoxunu götürən qüvvənin siyahısına başçılıq edən şəxs mer postunu tutacaq. Heç bir qüvvə mandatların yarıdan çoxunu əldə etməsə, meri Şəhər Şurası seçəcək.
Mer vəzifəsinə iddiaçıların üçü qadındır. Çiçəklənən Ermənistan Partiyasının Şəhər Şurasına namizədlərinin siyahısına Naira Zöhrabyan, Əriklər Ölkəsi Partiyasının siyahısına Zarui Postancyan, Yerevan ictimaiyyəti blokunun siyahısına Anait Tərxanyan başçılıq edir.
Kişi namizədlərin üçünü bloklar müdafiə edir. Baş nazir Nikol Paşinyanın dəstəklədiyi “Mənim addımım” blokunun siyahısında Ayk Marutyan birincidir. Yerevanlılar bloku seçkiyə Ararat Zurabyanın, İşıq bloku Artak Zeynalyanın liderliyi ilə gedir.
İrs Partiyasının siyahısında Raffi Ovannisyan, Daşnaksütun Partiyasının siyahısında Mikael Manukyan, Qanunçuluq Ölkəsi Partiyasının siyahısında Mger Şahgeldyan, Demokratik Yol Partiyasının siyahısında Manuel Qasparyan, İslahatçılar Partiyasının siyahısında Artak Avetyan, Ayk Partiyasının siyahısında Gevorq Ovsepyan öndədir.
Partiyalar Şəhər Şurasında təmsil olunmaq üçün azı 6 faiz, bloklar 8 faiz səs toplamalıdır.