Ekoloji yoxlamaların nəticələri
Ekologiya və Təbii Sərvətlər Nazirliyi yeni hesabat yayıb. Rəsmi məlumata əsasən, Ətraf Mühitin Mühafizəsi Departamentinin 16-31 avqust arası apardığı yoxlamalarda atmosfer havasının, su və torpaq ehtiyatlarının, yerin təkinin, fauna və floranın mühafizəsi, ətraf mühitə məişət və istehsalat tullantılarının yerləşdirilməsi sahəsində qanun pozuntularına görə 241 akt və protokol tərtib olunub, nöqsanların aradan qaldırılması üçün icrası məcburi olan 60 müddətli göstəriş verilib.
53 iş üzrə 64450 manat cərimə kəsildiyi, ətraf mühitə dəymiş ziyana görə 33 iş üzrə 37538,25 manatlıq iddia qaldırıldığı, ətraf mühitə tullantıların atılmasına və axıdılmasına görə 234 iş üzrə 28942,93 manat məbləğində ödəmə tətbiq edildiyi bildirilir.
Tədbir görülməsi üçün hüquq mühafizə orqanlarına və icra qurumlarına 23, məhkəmələrə 3 iş göndərilib.
