Zaqrebdə görüşlər
Xorvatiya səfərində olan prezident İlham Əliyev sentyabrın 6-da rəsmən qarşılanıb.
AZƏRTAC xəbər verir ki, əvvəlcə İlham Əliyev Xorvatiya prezidenti Kolinda Qrabar-Kitaroviçilə təkbətək görüşüb. Görüşdə Azərbaycanla Xorvatiya arasında siyasi, iqtisadi, humanitar və digər sahələrdə əlaqələrin uğurla inkişaf etdiyi vurğulanıb, qarşılıqlı maraq doğuran digər ikitərəfli məsələlər ətrafında fikir mübadiləsi aparılıb.
Sonra dövlət başçıları nümayəndə heyətlərinin iştirakı ilə geniş tərkibdə bir araya gəliblər.
Görüşlərin ardınca “Azərbaycan Respublikasının Mədəniyyət Nazirliyi ilə Xorvatiya Respublikasının Mədəniyyət Nazirliyi arasında 2018-ci, 2019-cu və 2020-ci illər üzrə mədəni əməkdaşlığa dair proqram” və “Azərbaycan Respublikasının Kənd Təsərrüfatı Nazirliyi ilə Xorvatiya Respublikasının Kənd Təsərrüfatı Nazirliyi arasında əməkdaşlıq haqqında anlaşma memorandumu” imzalanıb.
