Kredit və əmanətlər nə qədər artıb?
Mərkəzi Bankın yeni hesabatına görə, avqustun 1-nə kreditlərin məbləği 11 milyard 769,6 milyon manat olub. Novator.az bildirir ki, bu, bir ay əvvəlki göstəricidən 57,2 milyon manat çoxdur. İyulun 1-nə kreditlərin məbləği 11 milyard 712,4 milyon manat idi.
Bu məbləğ yanvarın 1-nə 11 milyard 337,6 milyon manat, fevralın 1-nə 11 milyard 242,2 milyon manat, martın 1-nə 11 milyard 147,2 milyon manat, aprelin 1-nə 11 milyard 249,6 milyon manat, mayın 1-nə 11 milyard 422,6 milyon manat, iyunun 1-nə 11 milyard 552,3 milyon manat göstərilmişdi.
2018-ci ilin 7 ayında kredit məbləğində 432 milyon manat artım qeydə alınıb.
Avqustun 1-nə əmanətlərin həcmi 8 milyard 49,5 milyon manat həddində rəsmiləşib.
Yanvarın 1-nə banklarda 7 milyard 561,2 milyon manat, fevralın 1-nə 7 milyard 497 milyon manat, martın 1-nə 7 milyard 750,3 milyon manat, aprelin 1-nə 7 milyard 657,2 milyon manat, mayın 1-nə 7 milyard 881,4 milyon manat, iyunun 1-nə 7 milyard 867,5 milyon manat, iyulun 1-nə 8 milyard 109,3 milyon manat əmanət saxlandığı bəyan edilmişdi.
7 ayda əmanətlərin həcmi 488,3 milyon manat artıb.
