Hərracdan rəsmi bilgi
Əmlak Məsələləri Dövlət Komitəsinin sentyabrın 4-də keçirdiyi özəlləşdirmə hərracında 10 dövlət əmlakına 17 sifariş qəbul edilib.
Rəsmi məlumata görə, Bakının Xətai rayonunda yerləşən qeyri-yaşayış sahəsinin ilkin qiyməti 7 min 500 manat olub, obyekt 16 min 100 manata satılıb.
Eyni rayondakı başqa bir qeyri-yaşayış sahəsi üzrə təkliflər hərrac qiymətini 10 min manat artırıb. Həmin dövlət əmlakı üçün 27 min 500 manat ödənib.
Gəncə şəhərində (Nizami rayonu, Nizami küçəsi) yerləşən 37 saylı mağaza 8 min 750 manata özəlləşdirilib.
