Gürcüstan 8 ayda 6 milyona yaxın qonaq qəbul edib
Gürcüstanın Milli Turizm Administrasiyası 8 aylıq hesabat yayıb. Novator.az-ın məlumatına görə, hesabatda qeyd olunur ki, bu ilin yanvar-avqust aylarında ölkəyə 5,9 milyon əcnəbi səfər edib, bu da 2017-ci ilin 8 ayı ilə müqayisədə 12,2% çoxdur.
Hesabata əsasən, 8 ayda ölkəyə turizm məqsədilə gələnlər 3,2 milyon nəfər olub (ötən ilin eyni dövrü ilə müqayisədə 19,3% çox). Təkcə avqust ayında Gürcüstan sərhədini 1 milyondan çox əcnəbi səyahətçi (ötən ilin eyni dövrü ilə müqayisədə 9,8% çox) keçib.
Milli Turizm Administrasiyası 2018-ci ilin birinci rübündə xarici turizmdən gələn gəlirin 551 milyon dollar təşkil etdiyini açıqlayıb. İlin sonuna kimi ölkəyə 8,5 milyon səyahətçinin gələcəyi və turizmdən gəlirin 3 milyard dolları keçəcəyi proqnozlaşdırılır.
Rəsmi statistikaya görə, yanvar-iyul aylarında Azərbaycana 1 milyon 655,3 min (2017-ci ilin 7 ayı ilə müqayisədə 9,1 faiz çox) əcnəbi və vətəndaşlığı olmayan şəxs gəlib.
Səidə Hüseynova
