Təzə ayın ilk məzənnələri
Sentyabrın 3-də Mərkəzi Bank ABŞ dollarının kursunu 1,7 manat həddində saxlayıb.
Novator.az-ın məlumatına görə, ucuzlaşan avro banklara 1,9729 manata təklif edilir.
Gürcü larisi (0,6606 manat), Rusiya rublu (0,0251manat), türk lirəsi isə (0,259 manat) dəyər artırıb (Məzənnələr).
Altıncı aydır ABŞ dolları 1,7 manata satılır. Bu, manatın devalvasiyaya uğradığı 21 fevral 2015-ci ildən bəri ən uzun sürən rəsmi kursdur. 2015-ci il fevralın 21-də dolların rəsmi kursu 0,7862 manatdan 1,05 manata qalxıb. Dekabrın 21-də ikinci devalvasiya baş verib, rəsmi kurs 1,55 manat olub, həmin ilə 1,5594 manatla nöqtə qoyulub.
2016-cı il 1,7707 manatla, 2017-ci il 1,7001 manatla başa çatıb.
Dövlət Neft Fondu Mərkəzi Bankın yanvar-iyul aylarında keçirdiyi valyuta hərraclarında 3 milyard 511,1 milyon dollar məbləğində valyuta satıb. Yanvarın hərraclarında fonddan 299,1 milyon dollar, fevralın hərraclarında 364,1 milyon dollar, martın hərraclarında 647 milyon dollar, aprelin hərraclarında 802,6 milyon dollar, mayın hərraclarında 422,7 milyon dollar, iyunun hərraclarında 439 milyon dollar, iyulun hərraclarında 536,6 milyon məbləğində vəsait alınıb.
