Qəza statistikası
2018-ci ilin yanvar-iyun aylarında Azərbaycanın avtomobil yollarında 806 və ya 2017-ci ilin ilk yarısı ilə müqayisədə 5 faiz az qəza baş verib, hadisələrdə zərər çəkən şəxslərin sayı 6,4 faiz azalaraq 1074 nəfər olub. Dövlət Statistika Komitəsi 311 nəfərin həlak olduğunu, 763 nəfərin yaralandığını bildirir.
Yol-nəqliyyat hadisələri nəticəsində həlak olanların 79,7 faizi, yaralananların 75 faizini kişilərdir.
Hesabata əsasən, 6 ayda yol hərəkəti qaydaları əleyhinə aşkarlanmış inzibati xətaların sayı 2017-ci ilin müvafiq dövrünə nisbətən 4,1 faiz artıb, 1 milyon 619,7 min xəta qeydə alınıb. Qaydaların pozulmasına görə 34,1 milyon manat məbləğində cərimələr tətbiq edilib.
