Büdcənin vergi yığımları
Novator.az yenilənmiş büdcənin gəlirlərinin tərkibində vergi daxilolmalarına nəzər salıb.
2018-ci ilin dövlət büdcəsinə dəyişikliklər iyulun 6-da rəsmiləşib. Fiziki şəxslərin gəlir vergisi üzrə 1 milyard 196 milyon manat, hüquqi şəxslərin mənfəət (gəlir) vergisi üzrə 2 milyard 533 milyon manat, hüquqi şəxslərin torpaq vergisi üzrə 50 milyon manat, hüquqi şəxslərin əmlak vergisi üzrə 182 milyon manat, əlavə dəyər vergisi üzrə 4 milyard 33 milyon manat, sadələşdirilmiş vergi üzrə 380 milyon manat, aksizlər üzrə 726 milyon manat, yol vergisi üzrə 103 milyon manat, mədən vergisi üzrə 136 milyon manat, gömrük rüsumları üzrə 768 milyon manat, Azərbaycanda istehsal edilən və qiymətləri tənzimlənən məhsulların kontrakt (satış) qiyməti ilə (ixrac xərcləri çıxılmaqla) ölkədaxili topdansatış qiyməti arasındakı fərqdən yığımlar üzrə 177 milyon manat daxilolma nəzərdə tutulur.
Vergi orqanlarının xətti ilə toplanan sair daxilolmalar 136 milyon manat göstərilir.
