Azərbaycan banklarının nə qədər pulu var?
Maliyyə Bazarlarına Nəzarət Palatası Azərbaycanın bank sektoruna dair yarım illik hesabat açıqlayıb. Novator.az bildirir ki, hesabata görə, iyulun 1-nə bankların cəmi aktivləri 27 milyard 991 milyon manat, kredit portfeli 11 milyard 712 milyon manat, cəmi öhdəlikləri 24 milyard 87 milyon manat olub.
Sektorun balans kapitalı hesabatda 3 milyard 904 milyon manat, əhalinin əmanətləri 8 milyard 19 milyon manat göstərilir.
2018-ci ilin ilk yarışında bank sektorunun aktivləri 0,2 faiz, balans kapitalı 5,2 faiz, kredit portfeli 3,3 faiz, fiziki şəxslərin cəmi depozitləri 6,3 faiz artıb.
Sektor cari ilin 6 ayında 36 milyon manat xalis mənfəət əldə edib.
Hesabata əsasən, 30 bankın 511 filialı, 143 şöbəsi var.
Bütövlükdə bank sektorunun işçi heyəti 16737 nəfər göstərilir.
