Yarım ildə mehmanxanalar 167 milyon gəlir əldə edib
2018-ci ilin yanvar-iyun aylarında Azərbaycanın mehmanxanalarında 1 milyon 288,9 min gecələmə keçirilib, bu da ötən ilin eyni dövrü ilə müqayisədə 19,3 faiz çoxdur. Novator.az bildirir ki, açıqlamanı yayan Dövlət Statistika Komitəsinin hesabatına görə, gecələmələrin 62 faizi Bakıda, 9,7 faizi Qəbələdə, 5,1 faizi Qusarda, 4,5 faizi Naftalanda, 3,6 faizi Qubada, 3,4 faizi Naxçıvan Muxtar Respublikasında, 1,5 faizi Xaçmazda, 1,1 faizi Ağstafada, 9,1 faizi isə digər rayonlardakı (şəhərlərdəki) mehmanxanalarda qeydə alınıb.
Əcnəbilər və vətəndaşlığı olmayan şəxslərin keçirdiyi gecələmələr ümumi gecələmələrin 72,6 faizini təşkil edib. Gecələmələrin 14,3 faizi Birləşmiş Ərəb Əmirlikləri, 14,1 faizi Rusiya, 6,6 faizi İran, 4,5 faizi Türkiyə, 4,3 faizi Səudiyyə Ərəbistanı, 3,4 faizi Böyük Britaniya, hər biri üzrə 3,3 faiz olmaqla Hindistan və ABŞ, 3,2 faizi İsrail, 2,9 faizi Qətər, 2,8 faizi Küveyt, 2,1 faizi İraq, 2 faizi Pakistan, 1,7 faizi Qazaxıstan, 1,6 faizi Almaniya, 1,3 faizi Ukrayna, 28,6 faizi digər ölkələrin vətəndaşlarının payına düşüb.
İlin birinci yarısında mehmanxanaların gəlirləri 167 milyon manat olub.
