Kənd klubu 15 min manata satıldı
Əmlak Məsələləri Dövlət Komitəsi 24 iyul hərracından məlumat yayıb. Rəsmi bilgiyə görə, hərracda 12 dövlət əmlakına 17 sifariş verilib.
Oğuz rayonunda yerləşən Filfili kənd klubu torpaq sahəsi ilə birgə 15 min manata özəlləşdirilib.
Bərdə şəhərində ümumi faydalı sahəsi 919,7 kvadratmetr olan təsərrüfat anbarının yarımçıq tikilisi də torpaq sahəsi ilə birgə 15 min manata satılıb.
“Nissan” markalı nəqliyyat vasitəsi (buraxılış tarixi 2006-cı ildir) 2 min 350 manata sahibini tapıb.
