Cəzadan azad edilən 3881 nəfər müavinət alıb
Əmək və Əhalinin Sosial Müdafiəsi Nazirliyi bu ilin birinci yarışında penitensiar müəssisələrdə cəza çəkməkdən azad edilən 3881 nəfərə birdəfəlik müavinət verib. Rəsmi hesabata görə, onların hər biri minimum əməkhaqqının 4 misli qədər, yəni 520 manat alıb.
Nazirlik qeyd edir ki, penitensiar müəssisələrdə cəza müddəti başa çatmaq ərəfəsində olan şəxslərin peşə hazırlığına cəlb olunması işləri də aparılır. Bu ilin yanvar-iyun aylarında penitensiar müəssisələrdə cəza müddəti başa çatmaqda olan 167 nəfər üçün peşə hazırlığı kursları təşkil olunub. Həmin müəssisələrin nəzdindəki peşə məktəblərinin bazasında təşkil olunan kurslarda elektrik-qaz qaynaqçısı, tornaçı, avtomobillərin təmiri üzrə çilingər, aşpaz köməkçisi, dülgər, xarrat peşələri öyrədilib.
