Rusiyanın Ermənistandakı qoşunları təlimlər keçirir
İyulun 23-ü Rusiyanın Ermənistandakı hərbi bazasında taktiki təlimlər başlayıb. Novator.az-ın məlumatına görə, Kamxud və Alagöz poliqonlarında keçirilən təlimlərə 3 mindən çox hərbi qulluqçu, 500-ə yaxın texnika cəlb olunub.
İyulun 28-dək davam edəcək təlimlərdə tanklardan, artilleriyadan, qırıcı aviasiyadan, pilotsuz uçuş aparatlarından, hava hücumundan müdafiə sistemlərindən istifadə edilir.
Ermənistandakı Rusiya hərbi bazası Gümrü şəhərində yerləşir. 102 saylı bu bazanın hava komponenti – aviasiya bazası Yerevanda, Erebunidə qərar tutub.
