Sabiq prezidentə daha bir həbs cəzası kəsildi
İyulun 20-si Cənubi Koreyada məhkəmə sabiq prezident Pak Kın Heyə 8 il müddətinə azadlıqdan məhrumetmə cəzası kəsib. Novator.az-ın məlumatına görə, Pak Kın He dövlət vəsaitlərini mənimsəməkdə və partiyanın fəaliyyətinə müdaxilədə təqsirli bilinib.
Məhkəmə hökmünə əsasən, sabiq dövlət başçısı Cənubi Koreyanın Milli Kəşfiyyat Agentliyinin büdcəsindən vəsait aldığına görə 6 il, prezidentliyi dövründə hakim partiyanın seçkidəki namizədlərinin təyinatında iştirakına görə 2 il iş alıb. Pak Kın He 3 milyon dollara yaxın cərimə də ödəməlidir.
Senuri Partiyasının üzvü olan Pak Kın He 2012-ci ildə prezident seçilib. 2016-cı il dekabrın 9-da Cənubi Koreya parlamenti korrupsiya qalmaqalına görə prezidentin istefasına səs verib. 2017-ci il martın 10-da Konstitusiya Məhkəməsi Pak Kın Henin istefaya göndərilməsi barədə qərarı təsdiqləyib. Martın 31-də Pak Kın He tutulub.
Bu il aprelin 6-da paytaxt Seulun Mərkəzi İnzibati Dairə Məhkəməsi Pak Kın Heni 24 il müddətinə azadlıqdan məhrum edib. Keçmiş dövlət başçısı vəzifə səlahiyyətlərindən sui-istifadədə, rüşvət almaqda, mənimsəmədə təqsirli bilinib.
Layihə: prezidenti istefaya göndərirlər
Parlament prezidentin istefasına səs verdi
Prezident istefaya göndərildi, ölkə qarışdı
Sabiq prezident məhkəmə qarşısında
