Neftin qiyməti yuxarı getdi
AZƏRTAC-ın 20 iyul məlumatına görə, Azərbaycan neftinin qiyməti artıb. “AzəriLayt” markalı neftin bir barrelinin 1,5 dollar bahalaşaraq 74,64 dollara satıldığı bildirilir.
London birjasında brent markalı neftin bir barreli 72,80 dollara, Nyu-York birjasında layt markalı neftin bir barreli 69,75 dollara təklif olunur.
Azərbaycanın 2018-ci il büdcəsində neftin qiyməti 55 dollardan götürülüb.
“AzəriLayt” 2018-ci ilə 69,89 dollarla start verib. Gündəlik neft hasilatının yanvar ayında 814,6 min barrel, fevral ayında 806 min barrel, mart ayında 794 min barrel, aprel ayında 785,7 min barrel, may ayında 801 min barrel, iyun ayında 792 min barrel olduğu açıqlanıb.
