İlk mərhələlər 54 baş yedi
UEFA Çempionlar Liqası və Avropa Liqasında ilk iki raund arxada qaldı. Novator.az-ın məlumatına görə, 237 klubdan 54-ü mübarizəni dayandırıb. 158 klubun vəsiqə aldığı Avropa Liqasının təsnifat mərhələsində 7 klub, 1-ci mərhələsində 47 klub büdrəyib.
Turnirdə 2-ci mərhələ 26 iyul-2 avqust arası, 3-cü mərhələ 9-16 avqust arası, 4-cü mərhələ 23-30 avqust arası keçiriləcək.
Sentyabrın 20-dən dekabrın 13-dək davam edəcək qrup mərhələsinə 17 klub birbaşa vəsiqə alıb.
79 klubun buraxıldığı Çempionlar Liqasının təsnifat mərhələsindən 3 klub, 1-ci mərhələsindən 16 klub ələnərək Avropa Liqasına köç edib.
2-ci mərhələ 24 iyul-1 avqust, 3-cü mərhələ 7-15 avqust arası, 4-cü mərhələ 21-29 avqust arası keçiriləcək.
Sentyabrın 18-dən dekabrın 12-dək davam edəcək qrup mərhələsində 26 klub rəqiblərini gözləyir.
