Sərhəd mühafizəsində yenilik rəsmiləşdi
Prezident İlham Əliyev “Sərhəd qoşunları haqqında” qanunda dəyişiklikləri təsdiqləyib. Novator.az-ın məlumatına görə, yeniliklə sənədin adı “Sərhəd mühafizə orqanları haqqında” qanun olub.
Azərbaycanın sərhəd mühafizə orqanları Sərhəd Qoşunlarından, çevik hərəkət qüvvələrindən, sahil mühafizəsindən, sərhəd nəzarətindən və digər qurumlardan ibarət olmaqla dövlət sərhədinin mühafizəsini və toxunulmazlığını təmin edir.
Sərhəd mühafizə orqanlarının şəxsi heyəti hərbi qulluqçulardan, dövlət qulluqçularından və digər mülki işçilərdən ibarətdir. Sərhəd mühafizə orqanları hərbi xidmətə çağırış və hərbi xidmətə könüllü daxilolma, həmçinin işə, o cümlədən dövlət qulluğuna qəbul edilmə əsasında komplektləşdirilir.
Sərhəd mühafizə orqanlarına rəhbərliyi Dövlət Sərhəd Xidmətinin rəisi həyata keçirir.
31 iyul 2002-ci ildə yaradılmış Dövlət Sərhəd Xidmətinə general-polkovnik Elçin Quliyev rəislik edir.
