Bir mərhələ keçildi
Azərbaycanın UEFA Çempionlar Liqasındakı təmsilçisi “Qarabağ” iyulun 18-də 1-ci mərhələnin cavab oyununu keçirib. Novator.az-ın məlumatına görə, Ağdam klubunun Bakıdakı Tofiq Bəhramov stadionunda Sloveniyanın “Olimpiya” komandası ilə görüşü qolsuz bitib. İlk oyunda 1:0 hesabı ilə üstün olmuş “Qarabağ” növbəti mərhələyə adlayıb.
Çempionlar Liqasının qrupuna düşmək üçün daha üç mərhələ keçmək lazımdır. 24 iyul-1 avqust arası keçiriləcək 2-ci raundda ağdamlılar Albaniyanın “Kukesi” klubu ilə üz-üzə gələcəklər.
3-cü mərhələdə (7-15 avqust) “Qarabağ”ın mümkün rəqibləri sırasında “Zalsburq” (Avstriya), AEK (Yunanıstan), 4-cü raundda mümkün rəqibləri sırasında PSV (Hollandiya), “Yanq Boyz” (İsveçrə) komandaları yer alır.
