“Yanardağ”a vəsait
Prezident İlham Əliyev iyulun 17-də “Yanardağ” Dövlət Tarix-Mədəniyyət və Təbiət Qoruğu ilə bağlı sərəncam imzalayıb. Sənəd qoruğun müasir standartlara uyğunlaşdırılması və abidənin ərazisində müasir turizm infrastrukturunun yaradılması məqsədilə 2018-ci ilin dövlət büdcəsindən, prezidentin ehtiyat fondundan Dövlət Turizm Agentliyinə 1,2 milyon manat ayrılmasını nəzərdə tutur.
Novator.az xatırladır ki, ötən il dekabrın 29-da prezident İlham Əliyev “Yanardağ” Dövlət Tarix-Mədəniyyət və Təbiət Qoruğuna baxış keçirmiş, ərazidə şəraitin dözülməz olduğunu bildirmiş, aidiyyəti dövlət qurumlarına qısa müddət ərzində ərazidə Azərbaycan vətəndaşları və turistlər üçün yüksək standartlara cavab verən şərait yaratmaq tapşırığı vermişdi.
