Xarici sərmayənin 79,4 faizi 9 ölkənin payına düşür
2018-ci ilin yanvar-iyun aylarında xarici müəssisə və təşkilatlar Azərbaycanda əsas kapitala 2 milyard 892,6 milyon manat vəsait yönəldib. Novator.az-ın məlumatına görə, Dövlət Statistika Komitəsi bildirir ki, bu vəsaitin 79,4 faizi Böyük Britaniya, İsveçrə, Türkiyə, Malayziya, ABŞ, Yaponiya, Çexiya, Rusiya və İran sərmayədarlarına məxsus olub.
6 ayda əsas kapitala ümumilikdə 6 milyard 331,7 milyon manat və ya əvvəlki ilin müvafiq dövrü ilə müqayisədə 14,1 faiz az vəsait qoyulub. Daxili mənbələrdən əsas kapitala yönəldilmiş vəsait ümumi sərmayənin 54,3 faizini təşkil edib.
