Qeyri-neft sənayesi 8,8 faiz artıb
Dövlət Statistika Komitəsi sənaye istehsalı ilə bağlı hesabat yayıb. Novator.az-ın məlumatına görə, hesabatda deyilir ki, 2018-ci ilin yanvar-iyun aylarında 23,8 milyard manatlıq və ya əvvəlki ilin ilk yarısı ilə müqayisədə 1 faiz çox sənaye məhsulu istehsal edilib.
Qeyri-neft sektorunda məhsul istehsalının 8,8 faiz artdığı, neft sektorunda isə 0,2 faiz azaldığı vurğulanır.
Hesabata əsasən, sənaye məhsulunun 72 faizi mədən sektorunun payına düşür. Bu sektorda neft hasilatı 0,9 faiz artıb, əmtəəlik qaz hasilatı isə 4,9 faiz azalıb.
