İnformasiya əldə etmək qanununda nə dəyişdi?
Prezident İlham Əliyev “İnformasiya əldə etmək haqqında” qanuna dəyişikliyi imzalayıb. Novator.az bildirir ki, qanunun 30.1-ci maddəsinə edilən dəyişikliyə görə, büdcə təşkilatının, dövlət adından yaradılan publik hüquqi şəxslərin, büdcədənkənar dövlət fondlarının, səhmlərinin (paylarının) 30 faizi və ya daha artıq hissəsi dövlətə məxsus olan təsərrüfat cəmiyyətlərinin illik maliyyə fəaliyyəti haqqında məlumatların, o cümlədən dövlət büdcəsindən verilmiş vəsaitdən və ya onlara ayrılmış əmlakdan istifadəyə aid olan informasiyanın internet informasiya ehtiyatlarında açıqlanması qaydasını Nazirlər Kabineti təsdiq edir.
Qanunun tətbiqinə dair 11 iyul fərmanında dövlət başçısı Nazirlər Kabinetinə müvafiq qaydanı üç ay müddətində təsdiq etməyi tapşırıb.
