Hava necə dəyişir?
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, iyulun 13-ü səhərdən 14-ü gündüzədək Bakıda və Abşeron yarımadasında şimal-qərb küləyi güclənəcək, havanın temperaturu əvvəlki günlərlə müqayisədə 2-4 dərəcə aşağı enəcək. İyulun 13-də gündüz havanın temperaturunun Abşeron yarımadasında 29-34, Bakıda 31-33 dərəcə isti olacağı bildirilir.
İyulun 13-dən 16-dək əsasən şimal və qərb rayonlarında şimşək çaxması, arabir yağış yağması gözlənir. Bəzi yerlərdə yağışın leysan xarakterli olması, dolu düşməsi ehtimalı var. Qərb küləyi ayrı-ayrı yerlərdə arabir güclənəcək.
