Ermənistanda hərbi xidmətə çağırış qaydası yenilənir
İyulun 12-də Ermənistan parlamenti “Hərbi xidmət və hərbi qulluqçunun statusu haqqında” qanuna dəyişikliklər edib. Yeniliklər həqiqi hərbi xidmətdən möhlət hüququ olan şəxslərin siyahısını genişləndirir.
Novator.az xəbər verir ki, sənədə əsasən, valideyni, qardaşı və ya bacısı hərbi xidmət zamanı ölmüş ailənin tək oğlan uşağı həqiqi hərbi xidmətdən azad olunur.
Başqa bir yeniliyə görə, ümumtəhsil məktəbində və ya texniki peşə məktəbində təhsilini başa vurmamış, 19 yaşı tamam olmayan şagirdlər möhlət hüququ alır. Bu hüquq təhsil müddəti bitənə qədər qüvvədədir.
Ötən ilin noyabrında Ermənistanda ali təhsilə görə hərbi xidmətdən möhlət ləğv olunub. Hərbi xidmətdən möhlət yalnız Müdafiə Nazirliyi ilə mülki müqavilə bağlayan şəxslərə verilir. Belə müqavilə bağlayan şəxslər ali təhsilin bakalavr pilləsini başa vurduqdan sonra 3 il hərbi xidmət keçməlidir. Adi hərbi xidmət 2 ildir.
Səidə Hüseynova
