Qeyri-neft ixracı 8,6 faiz artıb
2018-ci ilin yanvar-may aylarında Azərbaycanın hüquqi və fiziki şəxsləri dünyanın 160 ölkəsindəki tərəfdaşları ilə ticarət əməliyyatları həyata keçirib, 95 ölkəyə məhsul ixrac olunub, 150 ölkədən mal alınıb. Novator.az bildirir ki, Dövlət Statistika Komitəsinin hesabatına görə, 5 ayda xarici ticarət dövriyyəsi 12 milyard 68,6 milyon ABŞ dolları, o cümlədən ixracın dəyəri 8 milyard 213,3 milyon dollar, idxalın dəyəri 3 milyard 855,3 milyon dollar olub, 4 milyard 358 milyon dollarlıq müsbət ticarət saldosu yaranıb.
2017-ci ilin yanvar-may ayları ilə müqayisədə xarici ticarət dövriyyəsi faktiki qiymətlərlə 35,4 faiz, real ifadədə isə 3,1 faiz, o cümlədən ixrac 2,8 faiz, idxal 3,8 faiz artıb.
667,5 milyon dollar dəyərində qeyri-neft məhsulları ixrac edilib, bu da 2017-ci ilin yanvar-may aylarına nisbətən faktiki qiymətlərlə 20,1 faiz, real ifadədə isə 8,6 faiz çoxdur.
