Azərbaycanla Avropa İttifaqı arasında tərəfdaşlıq sənədi imzalanıb
İyulun 11-i Brüsseldə Azərbaycanla Avropa İttifaqı arasında “Tərəfdaşlıq prioritetləri” sənədi paraflanıb. Azərbaycan prezidenti İlham Əliyevlə Avropa İttifaqı Şurasının prezidenti Donald Tuskun iştirakı ilə keçirilən mərasimdə sənədi Azərbaycanın xarici işlər naziri Elmar Məmmədyarov və Avropa Komissiyasının vitse-prezidenti, xarici işlər və təhlükəsizlik siyasəti üzrə ali nümayəndə Federika Mogerini rəsmiləşdiriblər.
Sənəddə hər iki tərəfin ölkələrin ərazi bütövlüyü, müstəqilliyi və suverenliyi ilə yanaşı dövlətlərin beynəlxalq sərhədlərin toxunulmazlığının dəstəklənməsinə sadiqliyi ifadə olunur.
Paraflanan sənəddə Azərbaycanla Avropa İttifaqı arasında vizaların ləğvi sahəsində dialoqun perspektivləri də əksini tapıb.
Xəbəri AZƏRTAC yayıb.
