Hərrac qiymətləri yenilədi
Əmlak Məsələləri Dövlət Komitəsi iyulun 10-da özəlləşdirmə hərracı keçirib. Rəsmi məlumata görə, hərracda ümumilikdə 15 dövlət əmlakına 22 sifariş verilib.
Sumqayıt şəhərində yerləşən, ümumi faydalı sahəsi 26,7 kvadratmetr olan qeyri-yaşayış sahəsi üçün 6 min manat ödənib.
Siyəzən şəhərində yerləşən 43 saylı mağaza (ümumi faydalı sahəsi 20,1 kvadratmetr) 450 manata satılıb.
2003-cü ildə buraxılmış “Qaz 3110-101” markalı avtomobil üçün ilkin qiymət 1300 manat təyin olunub, sonda nəqliyyat vasitəsinə 3 min 200 manat verilib.
“Opel Omeqa” markalı avtomobilin hərracında ilkin qiymətin 750 manat olduğu, maşının 1900 manata satıldığı bildirilir.
“KAMAZ-55111” markalı avtomobilin hərracda qiyməti 2 min 600 manatdan 3 min 550 manata yüksəlib.
