Büdcə: xərclər proqnozu 8,8 faiz qabaqlayıb
Maliyyə Nazirliyi dövlət büdcəsinin 2018-ci ilin birinci rübündə necə icra olunduğunu açıqlayıb Rəsmi hesabata görə, dövlət büdcəsinin mədaxili 4 milyard 562,9 milyon manat, xərcləri 4 milyard 408 milyon manat olub, 154,9 milyon manat məbləğində artıqlıq (profisit) yaranıb.
Gəlirlərin proqnozu 134,4 milyon manat (3 faiz) ötdüyü bildirilir.
Vergilər Nazirliyi dövlət büdcəsinə 1 milyard 436,5 milyon manat, Dövlət Gömrük Komitəsi 726,9 milyon manat vəsait təmin edib.
Dövlət büdcəsindən maliyyələşdirilən təşkilatların ödənişli xidmətlərindən daxilolmalar 79,3 milyon manat, başqa daxilolmalar 21,2 milyon manat göstərilir.
Dövlət Neft Fondundan büdcəyə 2 milyard 299 milyon manat vəsait köçürülüb.
Büdcənin xərcləri proqnozu 8,8 faiz qabaqlayıb.
Xərclərin 40 faizi sosial xərclərin (əməyin ödənişi fondu, təqaüd və sosial müavinətlər, dərman və ərzaq xərcləri) maliyyələşdirilməsinə yönəldilib.
