Yenilənmiş büdcənin detalları
Prezident İlham Əliyev 2018-ci ilin dövlət büdcəsinə dəyişiklikləri təsdiqləyib. Novator.az-ın məlumatına görə, büdcənin gəlirləri 22 milyard 149 milyon manat, xərcləri 23 milyard 100 milyon manat müəyyən edilib.
Gəlir mənbələrində əsas yeniliklərdən biri Dövlət Neft Fondundan büdcəyə köçürmənin 10 milyard 966 milyon manata artırılmasıdır.
Xam neftin 1 barrelinin satış qiyməti 55 ABŞ dollarından götürülür.
Yenilənmiş büdcədə xərclərin istiqamətləri belədir:
sənaye, tikinti və faydalı qazıntılar – 5 milyard 104,4 milyon manat
ümumi dövlət xidmətləri – 3 milyard 628,6 milyon manat
müdafiə – 2 milyard 905,2 milyon manat
sosial müdafiə və sosial təminat – 2 milyard 343 milyon manat
təhsil – 2 milyard 43,9 milyon manat
iqtisadi fəaliyyət – 1 milyard 390,1 milyon manat
məhkəmə hakimiyyəti, hüquq-mühafizə və prokurorluq – 1 milyard 384,2 milyon manat
kənd təsərrüfatı, meşə təsərrüfatı, balıqçılıq, ovçuluq və ətraf mühitin mühafizəsi – 755,3 milyon manat
səhiyyə – 739,3 milyon manat
mənzil və kommunal təsərrüfatı – 458,5 milyon manat
mədəniyyət, incəsənət, informasiya, bədən tərbiyəsi və digər kateqoriyalara aid edilməyən sahədə fəaliyyət – 327,1 milyon manat
nəqliyyat və rabitə – 166,8 milyon manat
yanacaq və enerji – 18 milyon manat
Əsas bölmələrə aid edilməyən xidmətlər – 1 milyard 835,3 milyon manat.
