“Palmali”nin yeni tərəfdaşı
“Palmali” Şirkətlər Qrupu Türkiyənin “Tiryaki Qrup” şirkəti ilə əməkdaşlıq sazişi imzalayıb.
“Tiryaki” taxıl, paxlalı bitki, quru meyvə, təbii qida, eləcə də yağlı toxumlar istehsal edib bazara çıxaran böyük ticarət şirkətlərindən biridir.
Beş il müddətinə imzalanmış razılaşma ilə “Palmali” şirkəti “Tiryaki Qrup”un məhsullarının daşınmasını öz üzərinə götürüb, əsas qida və yem ehtiyacının təmin edilməsi üçün malları vaxtında mənzil başına çatdırmağa söz verib.
“Tiryaki” 25 ölkədən məhsul tədarükü edir, 80-dən çox ölkəyə məhsul göndərir.
