Sərinlik gəlir
Ekologiya və Təbii Sərvətlər Nazirliyinin məlumatına görə, iyulun 7-dən 8-i gündüzədək Bakıda və Abşeron yarımadasında şimal-qərb küləyinin güclənəcəyi gözlənir. Havanın temperaturu tədricən 4-6 dərəcə aşağı enəcək.
Proqnoza əsasən, rayonlarda iyulun 7-dən 8-i axşamadək qərb küləyi bəzi yerlərdə arabir güclənəcək, ayrı-ayrı şimal və qərb rayonlarında şimşək çaxacaq, arabir yağış yağacaq. Bəzi yerlərdə yağışın leysan xarakterli olacağı, dolu düşəcəyi ehtimalı var.
İyulun 1-dən ölkədə sərt istilər qeydə alınıb: havanın hərarəti 43-44 dərəcəyə, bəzi yerlərdə 46 dərəcəyə çatıb. Ayın 5-dən havanın temperaturu iqlim norması göstəricilərinə yaxınlaşıb.
