Mərkəzi Bankın 6 aylıq artımı
Mərkəzi Bankın son hesabatına görə, iyulun 1-nə valyuta ehtiyatının həcmi 5 milyard 512,7 milyon dollara çatıb. 2018-ci ilin əvvəli ilə müqayisədə valyuta ehtiyatı 178,1 milyon dollar artıb.
Novator.az bildirir ki, yanvarın 1-nə valyuta ehtiyatı 5 milyard 334,6 dollar olub. 6 ayda ehtiyatın həcmi belə dəyişib:
1 fevral – 5 milyard 381,2 milyon dollar
1 mart – 5 milyard 387,3 milyon dollar
1 aprel – 5 milyard 508 milyon dollar
1 may – 5 milyard 465,8 milyon dollar
1 iyun – 5 milyard 471,4 milyon dollar
1 iyul – 5 milyard 512,7 milyon dollar.
2015-ci ildə devalvasiyalardan əvvəl Mərkəzi Bankın valyuta ehtiyatının həcmi 13 milyard 758,3 milyon dollar göstərilib. 2016-cı ilin əvvəlinə ehtiyatın həcmi 5 milyard 16,7 milyon dollara, 2017-ci ilin əvvəlinə 3 milyard 974,4 milyon dollara enib.
2015-ci il fevralın 20-də ABŞ dolları banklara 0,7862 manata satılıb. Bir gün sonra Mərkəzi Bank kəskin kurs dəyişikliyinə qərar verib və rəsmi qiymət 1 manat 5 qəpik olub. Dekabrın 21-də ikinci devalvasiya baş verib, rəsmi kurs 1 manat 55 qəpiyə qalxıb.
2017-ci ilin fevralında devalvasiyalardan sonra ən yuxarı rəsmi qiymət qeydə alınıb: 1 manat 92 qəpik.
Hazırda dolların rəsmi məzənnəsi 1 manat 70 qəpikdir.
