Əmək müfəttişləri 4 nəfəri işinə bərpa edib
Əmək və Əhalinin Sosial Müdafiəsi Nazirliyi bildirir ki, Dövlət Əmək Müfəttişliyi Xidməti bu ilin yanvar-iyun aylarında işəgötürənlərin gecikdirdiyi 82,8 min manat məbləğində sosial xarakterli ödənişlərin işçilərə ödənməsini təmin edib. Həmin vəsaitin 85,7 faizi əmək haqları, 13 faizi sosial müavinət və kompensasiyalar, qalan hissəsi zərərə görə ödənclər olub.
Müraciətlərin arasdırılması zamanı 4 nəfərin əmək qanunvericiliyinin tələblərinə zidd şəkildə işdən azad edildiyi müəyyən olunub. Həmin şəxslər iş yerlərinə bərpa ediliblər.
