6 aylıq yoxlamalar, cəzalar
Ekologiya və Təbii Sərvətlər Nazirliyi Su Hövzələrində Bioloji Resursların Artırılması və Mühafizəsi Departamentinin hesabatını yayıb. Rəsmi məlumata əsasən, 2018-ci ilin yanvar-iyun ayları ərzində balıq və digər su bioresurslarının mühafizəsi məqsədilə aparılan araşdırma zamanı qanun pozuntularına görə 63 akt və 79 protokol tərtib edilib, tədbir görülməsi üçün 68 iş hüquq mühafizə orqanlarına göndərilib.
Nazirlik bildirir ki, qanunu pozan şəxslərdən 35 üzmə vasitəsi, 11 ədəd asma qayıq mühərriki, 638 ədəd qanunsuz ov aləti tor və 1880 ədəd qarmaq, 2161 ədəd müxtəlif növ balıqlar, su bioresursu olan 1103 ədəd qurbağa və 1341 ədəd krevet götürülüb: “Bioloji resurslara vurulan ziyana görə 41932 manat məbləğində iddia qaldırılıb, 11500 manat məbləğində cərimə tətbiq edilib”.
