5 iyul məzənnələri
İyulun 5-də ABŞ dollarının (1,7 manat), gürcü larisinin (0,6949 manat), Rusiya rublunun (0,0269 manat) rəsmi məzənnələri sabit qalıb.
Bir çox valyutada isə qiymət dəyişməsi var. Novator.az-ın məlumatına görə, avro 1,9817, türk lirəsi 0,363 manata düşüb.
Dəyər artıran ingilis funt sterlinqi banklara 2,248 manata satılır (Məzənnələr).
2018-ci ilə 1,7001 manat rəsmi məzənnə ilə başlayan dollar martın 7-dən banklara 1,7 manata təklif edilir. Mərkəzi Bankın 2018-ci ilin beş ayı ərzində keçirdiyi valyuta hərraclarında Dövlət Neft Fondundan 2 milyard 535,5 milyon ABŞ dolları məbləğində vəsait alınıb.
Mərkəzi Bankın rəsmi açıqlamasına görə, iyulun 1-nə valyuta ehtiyatının həcmi 5 milyard 512,7 milyon dollar olub.
