Həm yüksəliş, həm eniş
Azərbaycan Mərkəzi Bankı iyulun 4-də bir çox xarici valyutanı bahalaşdırıb. Novator.az-ın məlumatına görə, avro 1,9828, ingilis funt sterlinqi 2,244, Rusiya rublu 0,0269 manata yüksəlib.
ABŞ dollarının rəsmi məzənnəsi 1,7 manat həddində qalıb.
Ucuzlaşan gürcü larisi banklara 0,6949, türk lirəsi 0,3638 manata satılır (Məzənnələr).
2018-ci ilə 1,7001 manat rəsmi məzənnə ilə başlayan dollar martın 7-dən banklara 1,7 manata təklif edilir. Dövlət Neft Fondu Mərkəzi Bankın 2018-ci ilin beş ayı ərzində keçirdiyi valyuta hərraclarında 2 milyard 535,5 milyon ABŞ dolları məbləğində vəsait satıb.
Mərkəzi Bankın rəsmi açıqlamasına görə, iyulun 1-nə valyuta ehtiyatının həcmi 5 milyard 512,7 milyon dollar olub.
