Çempionatın 8-liyi
Rusiyada keçirilən dünya futbol çempionatı iyulun 6-dan 1/4 final mərhələsi ilə davam edəcək. Novator.az bildirir ki, mübarizədə qalan 8 komanda arasında ən titullusu Braziliyadır: yığma 5 dəfə çempion olub, 2 dəfə ikinci, 2 dəfə üçüncü, 2 dəfə dördüncü yeri tutub.
Uruqvay 2 dəfə çempion olub, 3 dəfə dördüncü yeri tutub.
Fransa 1 dəfə çempion olub, 1 dəfə ikinci yeri, 2 dəfə üçüncü yeri, 1 dəfə dördüncü yeri götürüb.
İngiltərə 1 dəfə çempion ola, 1 dəfə dördüncü yeri tuta bilib.
İsveç 1 dəfə ikinci yeri, 2 dəfə üçüncü yeri, 1 dəfə dördüncü yeri əldə edib.
Xorvatiya 1 dəfə üçüncü yeri tutub.
Belçika 1 dəfə dördüncü yeri götürüb.
Rusiya titulsuzdur. Bu yığma SSRİ-nin varisi kimi tanınır. SSRİ 7 dünya çempionatında iştirak edib, 1 dəfə dördüncü yeri tutub.
