Tunis paytaxtında qadın mer
Tunisin paytaxtında mer postunu ilk dəfə xanım tutub. Novator.az-ın məlumatına görə, iyulun 3-ü Tunis Bələdiyyə Şurasında keçirilən seçkidə islamçı Dirçəliş Hərəkatının namizədi Suad Əbdürrəhim qalib gəlib. Suad Əbdürrəhim bələdiyyə şurasının 60 üzvündən 26-nın səsini qazanıb, rəqibi Kamil İdiri 4 səs qabaqlayıb.
Dirçəliş Hərəkatı 2018-ci ilin mayında keçirilən bələdiyyə seçkilərində ölkə üzrə 2135 mandata sahib çıxıb.
Suad Əbdürrəhim 1964-cü ildə doğulub. Tibb təhsili alıb.
Səidə Hüseynova
