Təlimdən yeni bilgi
Azərbaycan Ordusunun genişmiqyaslı təlimlərində iştirak edən döyüş aviasiya vasitələrinin yerdəyişməsi həyata keçirilib. Mod.gov.az-ın 3 iyul məlumatına görə, həyəcan siqnalı ilə qaldırılan döyüş aviasiya vasitələri ehtiyat aerodromlara çıxarılıb.
Hava hücumundan müdafiə vasitələrinin ərazidə yerləşdirilməsi də sona çatdırılıb.
İyulun 2-də başlayan təlimlərə 20 min nəfərədək şəxsi heyət, 120-dək tank və digər zirehli texnika, 200-dən artıq müxtəlif çaplı raket və artilleriya qurğusu, yaylım atəşli reaktiv sistemləri və minaatan, 30-dək müxtəlif təyinatlı ordu və cəbhə aviasiyası cəlb olunub.
