Özbəkistanda maaş və pensiya artımı
Özbəkistanda büdcə təşkilatları işçilərinin əməkhaqqı, eləcə də pensiya və sosial müavinətlər orta hesabla 7% artır. Novator.az-ın məlumatına görə, prezident Şövkət Mirziyayevin sərəncamı ilə artım iyulun 15-dən tətbiq olunacaq.
Minimum əməkhaqqı iyulun 15-dən 184 min 300 soma (39 manata yaxın) yüksələcək. Yaşa görə pensiya və əlillik müavinəti 360 min 460 som (75 manata yaxın), gərəkli iş stajı olmayan yaşlıların və əmək qabiliyyəti olmayan şəxslərin müavinəti isə 221 min 190 som (46 manat) təşkil edəcək.
Minimum əməkhaqqı 2017-ci ilin dekabrında 15% artmışdı.
Azərbaycanda minimum aylıq əməkhaqqı 130 manat, pensiyaların orta məbləği 218,3 manatdır.
