20 min nəfərlik təlimlər başladı
İyulun 2-də Azərbaycan Ordusunun genişmiqyaslı təlimləri başlayıb. Müdafiə Nazirliyinin rəsmi məlumatına görə, təlimlərə 20 min nəfərədək şəxsi heyət, 120-dək tank və digər zirehli texnika, 200-dən artıq müxtəlif çaplı raket və artilleriya qurğusu, yaylım atəşli reaktiv sistemləri və minaatan, 30-dək müxtəlif təyinatlı ordu və cəbhə aviasiyası cəlb olunub.
İyulun 6-dək davam edəcək təlimlərdə genişmiqyaslı hücum əməliyyatının keçirilməsi ilə ərazilərin azad edilməsi üzrə tapşırıqlar da yerinə yetiriləcək.
