Valyutaların yarım ili
2018-ci ilə 1,7001 manat rəsmi məzənnə ilə başlayan dollar martın 7-dən banklara 1,7 manata satılır, avro isə ilin əvvəlindən təqribən 6 qəpik ucuzlaşıb.
Novator.az bildirir ki, avro ilə 2,0431 manatla start verib. Yanvarda son kurs 2,1116 manat, fevralda 2,0781 manat, martda 2,0933 manat, apreldə 2,0618, mayda 1,9829 manat, iyunda 1,9814 manat olub.
Rubl 2018-ci ildə yola 0,0297 manatla çıxıb. Yanvar və fevral 0,0302 manat, mart 0,0297 manat, aprel 0,0272 manat, may 0,0274 manat, iyun 0,0271 manatla yekunlaşıb.
Dolların indiki qiyməti manatın devalvasiyaya uğradığı 21 fevral 2015-ci ildən bəri ən uzun sürən rəsmi məzənnədir. 2015-ci il fevralın 20-də dollar banklara 0,7862 manata satılıb. Bir gün sonra Mərkəzi Bank kəskin kurs dəyişikliyinə qərar verib və rəsmi qiymət 1,05 manata yüksəlib. Dekabrın 21-də ikinci devalvasiya baş verib, rəsmi kurs 1,55 manata qalxıb.
2016-cı il 1,5610 manatla başlayıb, 1,7707 manatla sona çatıb.
2017-ci ilin fevralında ilk devalvasiyadan sonra ən yuxarı rəsmi qiymət qeydə alınıb: 1,92 manat. Dekabrın 13-dən 2018-ci il martın 7-dək isə 1,7001 manat rəsmi məzənnə qüvvədə olub.
